समाचार
बालेन्द्रको चुनौती बनिरहेको फोहोर मंगलबारबाट उठ्ने -GoodNews24
काठमाडौँ, २३ जेठ, काठमाण्डौका मेयर बालेन्द्रको चुनौती बनिरहेको काठमाडौंको फोहोर मंगलबारबाट उठ्ने भएको छ । सरकार र फोहोर फाल्ने क्षेत्रका वासिन्दाबीचको सहमति भएपछि मंगलबारदेखि काठमाडौंको फोहोर व्यवस्थापन हुने भएको छ । शहरी विकास मन्त्रालय र काठमाडौं महानगरपालिका र स्थानीय वासिन्दाबीच त्रिपक्षिय छलफल पछी सोमबार सहमति जुटे संगै मंगलबाट नै फोहोर ब्यवस्थापन हुने भएको हो । गत १४ जेठबाट काठमाडौं महानगरपालिका, ललितपुर महानगरपालिका र अन्य नगरपालिकाहरुको फोहोर उठ्न सकेको थिएन । बञ्चरेडाँडाको ल्याडफिल साइटमा उपयुक्त विधिअनुसार फोहोर विसर्जन गर्न दिन नुवाकोटको ककनी गाउँपालिका र धादिङको धुनिबेसी नगरपालिका सहमत भएका हुन् ।
