मुख्य समाचारसमाचार
महिला दिवसको अवसरमा ललितपुर महानगरले साइकल र्याली तथा पदयात्रा कार्यक्रम गर्ने
ललितपुर । ललितपुर महानगरपालिकाले ११३ औं अन्तर्राष्ट्रिय महिला दिवस विशेष कार्यक्रमका साथ मनाउने भएको छ । ललितपुर महानगरपालिका दिवस मुल समारोह समितीको आयोजनामा महिला दिवसमा साइकल र्याली तथा पदयात्रा कार्यक्रम हुने भएको छ ।
साइकल र्यालीको कार्यक्रम जावलाखेलबाट सुरु भएर पुल्चोक, ज्वागल र नागबहाल हुँदै मंगलबजारमा पुगेर समापन हुने बताईएको छ भने पदयात्राको कार्यक्रम जावलाखेलबाट सुरु भएर पुल्चोक र महापाल हुँदै मंगलबजारमा पुगेर समापन हुने बताईएको छ । साइकल र्याली र पदयात्राको कार्यक्रममा सहभागी हुनको लागि सोही दिन बिहान ७ बजेदेखी ७ः३० बजेसम्मको समय छुट्याईएको छ ।
‘लैङ्गिक समानताको बलियो आधार सृजनात्मक प्रविधिमा महिला पहुँचको विस्तार’ भन्ने राष्ट्रिय नाराका साथ फागुन २४ गते ११३ औं अन्तर्राष्ट्रिय महिला दिवस मनाइँदैछ ।
