गुड न्यूज 24मुख्य समाचारसमाचार
नयाँ इतिहास कोर्दै महिला दिवस: दुबई-काठमाडौं रुटको उडानमा सबै क्रु-मेम्बर महिला
काठमाडौं । आज विश्वभर ११३ औँ अन्तर्राष्ट्रिय महिला दिवस धुमधामका साथ मनाइँदैछ । महिला दिवसकै अवसरमा नेपालले पनि नयाँ इतिहास कोर्दै महिला दिवस मनाएको छ ।
राष्ट्रिय ध्वजाबाहक नेपाल एयरलाइन्सको आजको दुबई-काठमाडौं रुटमा उडेको ए३२० जहाजको सबै क्रु मेम्बर महिलाहरु थिए । पाइलट भावना पन्त र कोपाइलट सृजना रावतको कन्ट्रोलमा जहाजले उडान भर्यो । यो ऐतिहासिक क्षणलाई बधाई तथा स्वागत गर्न संस्कृति, पर्यटन तथा नागरिक उड्डयनमन्त्री सुदन किराती आफै त्रिभुवन अन्तर्राष्ट्रिय विमानस्थलमा पुगेका थिए ।
एयरहोस्टेसमा समेत सबै महिला भएको यो उडानले ठुलो जोखिम र जिम्मेवारीलाई सफलताको ऐतिहासिकता दिलाए ।
