Grace Computer Jawalakhel
प्रेम, विवाह, याैनशिक्षा स्वास्थ

युवा पुस्ताले के कस्ता कुराहरुमा ध्यान केन्द्रित गर्ने ? पढ्नुहोस्… Good News 24

face

नेपालमा युवा पुस्ता भन्नाले १६ देखी ४० वर्षको उमेर समुहको व्यक्तिलाई भनिन्छ । यो उमेर भनेको हाम्रो जीवनको महत्वपुर्ण चरण हो । यतिबेला हामी आफ्नो पढाई पुरा गरिरहेका हुन्छौँ , आर्थिक रुपमा स्थिर हुने प्रक्रियामा लागिरहेको हुन्छौँ र करियर बनाईरहेको हुन्छौँ । युवा अवस्थामा पनि २० सौँ वर्ष देखिको समय जस्लाई अंग्रेजीमा हामी ट्वेन्टिज भन्छौँ सबैभन्दा महत्वपुर्ण समय हो । यतिबेला हामी पढाई सकेर रोजगारीको लागि ध्यान केन्द्रित भईरहेको हुन्छौँ । यो समयमा हामीलाई परिवार र समाजबाट विभिन्न किसिमको दबाब आईरहेको हुन्छ ।
हाम्रो समाजले एक किसिमको ढाँचा बनाएको छ कि कुन उमेर सम्म पढाई सकाउने , कुन समय सम्म काम र आर्थिक रुपमा सेटल हुने , विवाह गर्ने र परिवार बनाउने । विदेशी समाज भन्दा पनि हाम्रो नेपाली समाजमा यस्को दबाब युवाहरुमा बढि हुन्छ । २० सौँ वर्ष हाम्रो जीवनको सबै भन्दा महत्वपुर्ण चरण हो तर समान परिवार र अरु विभिन्न कारणले युवाहरुबाट कुलतमा फसिरहेका हुन्छन् र गलत बाटो पछ्ईरहेका हुन्छन् ।
यो समयमा युवाहरु सजग हुनु जरुरी छ र सहि मार्गदर्शन दिने व्यक्तिको सँगत गर्नु पर्छ । आफुलाई गलत बाटोमा जान नदिन धेरै कुरामा ध्यान दिनु पर्छ । के के हुन् २० वर्षको उमेरमा ध्यान दिनु पर्ने कुराहरु ?

१. कुनै व्यक्तिसँग पनि धेरै घनिष्ट नहुने
हामीले सधैँ याद राखिराख्नु पर्ने कुरा हो । हाम्रो जीवनमा कुनै पनि कुरा र व्यक्ति स्थायी रुपमा रहदैनन् । प्राय मानिसहरु यो कुरा बिर्सेर अथवा बेवास्ता गरेर अरु व्यक्तिसँग घनिष्ट सम्बन्ध बनाईरहेका हुन्छन् । यि व्यक्तिहरुले छोडेर जाँदा मानसिक रुपमा तनाव र चिन्तामा रहन्छन् र गलत बाटो रोज्छन् मानौ उनिहरु विना जीवनमा केहि कुराको महत्व छैन । अरु व्यक्ति भन्दा आफुलाई बढि महत्व दिनु पर्छ किनभने हामीलाई जीवन दिने आमा बुवाले पनि हामीलाई एक दिन छोडेर जानु हुन्छ भने अरु व्यक्तिले छोडेर जानु त झन् नौलो कुरा होइन । साधारण व्यक्तिको औसत उमेर ६० देखि ७० वर्ष सम्म हुन्छ त्यसमा १,२ वर्ष वा २, ३ महिना कोही व्यक्तिसँग बिताउदैमा त्यस व्यक्तिलाई आफु भन्दा बढि महत्व दिनु हुदैन । आफु सफल नहुँदा जति नै नजिक वा घनिष्ट सम्बन्ध भए पनि ति मानिसले हामीलाई छोडेर जान्छन् त्यसैले सधैँ आफुलाई प्राथमिकता र महत्व दिने ।



२. आर्थिक व्यवस्थापन गर्ने बानि बसाल्ने

यो सामान्य र धेरै युवाहरुले गर्ने गल्ति हो र कुसैले पनि यो कुरालाई स्विकार भने गर्दैन । धेरै युवाहरु पढाई सकिए पछि काम गर्न त थाल्छन् तर त्यही अनुसार फाल्तु खर्च पनि गरिरहेका हुन्छन् । पैसा खर्च त भईरहेको हुन्छ तर कता खर्च भईरहेको हुन्छ भन्ने कुरा आफैलाई थाहा भईराखेको हुदैन । यो कुराबाट बच्नको लागि  पैसा व्यवस्थापन गर्ने तरीका अपनाउन सकिन्छ जसलाई ५० ,३० ,२० को नियम भनिन्छ । यो नियम अनुसार हाम्रो आम्दानी जति नै भएपनि त्यसको ५० प्रतिशत पैसा हाम्रो आवश्यकताहरुमा जस्तै रासन ,औषधी इत्यादिमा खर्च गर्ने , ३० प्रतिशत हामीलाई चाहिने कुराहरुमा खर्च गर्ने र २० प्रतिशत पैसा लगानी र बचत गर्ने बानी बसाल्ने ।



३.आफ्नो ख्याल राख्ने

वेस्ट मेडिकल सेन्टर हेल्थ नेटवर्क अनुसार १८ देखि २८ वर्षको उमेर शिखर समय हो यसबेला हाम्रो शरिरमा उर्जा धेरै हुन्छ । तर यो उमेरमा युवाहरुले आफ्नो ख्याल गरिरहेको हुदैनन् अस्वस्थ खाने कुराहरु खाने र कुलतमा फस्ने गर्छन् पछि यहि कुराहरुले उनिहरुलाई नकारात्मक रुपमा असर गर्छ । त्यसैले यो समयमा युवाहरुले आफ्नो ध्यान र ख्याल गर्ने बानि बसाल्नु पर्छ ,सेल्फ केयर र सेल्फ ग्रुमिङमा बढि ध्यान दिने ।

४. नयाँ कुरा र ठाँउहरुको खोज गर्ने
हामीले वृद्धहरुले भनेको सुनिरहेको हुन्छौँ उमेरमा सोचेको कुरा नगर्दा पछि पछुतो भएको भनेर र सुझाव पनि दिनु हुन्छ मन लागेको कुरा उमेर भएकै बेला गर्नु भनेर । तर युवाहरु अनावश्यक कुरामा आफ्नो समय बिताइरहेका हुन्छन् जसले कुनै किसिमको फाइदा गर्दैन । यि बानीलाई त्यागेर फाइदाजनक कुरामा समय खर्च गर्ने नयाँ कुरा सिक्ने , नयाँ ठाँउहरुमा जाने र ति काममा १०० प्रतिशत मिहेनत गर्ने बानी बसाल्ने ।

५. नकारात्मक मानिसहरुबाट टाढा बस्ने
हाम्रो जीवनमा हरेक किसिमको साथी ,व्यक्तिहरु हुन्छन् यि मध्ये कोही हाम्रो शुभचिन्तक हुन्छन र कोही हामी असफल भएको हेर्न चाहान्छन् । यसप्रकारको व्यक्तिहरुले हामीलाई मानसिक रुपमै तनाव दिइ रहेका हुन्छन् । हामीलाई सानो र केही गर्न सक्दैनौ भन्ने महसुस गराई रहेका हुन्छन् ।  त्यसैले यस्ता व्यक्तिहरुबाट टाढा नै बस्ने र उनिहरुको कुराबाट प्रभावित नहुने ।

६. किताबहरु पढ्ने बानि बसाल्ने
हाम्रो शरिरलाई सहि रुपमा काम गर्नको लागि जसरी व्यायामको आवश्यकता पर्छ, त्यसै गरी हाम्रो मष्तिस्कलाई पनि व्यायामको आवश्यकता पर्छ । धेरै व्यक्तिमा पढ्ने बानी हुदैन उनिहरु समाजले जे सिकाउछ त्यही नै कुराहरुलाई पछ्याईरहेका हुन्छन् । उनिहरु सिर्फ स्कुल र कलेजमा पढेको किताबमै सिमित रहन्छन् । सि एन एनको अनुसन्धानले पनि बताएको छ जो मानिसले वर्षमा ७ वा सो भन्दा बढि किताब पढ्छन् उनिहरुमा १२२ प्रतिशत मिलियनर हुने सम्भावनाहरु बढाउछ । धैरे विज्ञ व्यक्तिहरुले बताएका छन् ज्ञानको कम्पाउन्डिङ पैसाको कम्पाउन्डिङ बढि हुन्छ । त्यसैले पढ्ने बानि बसाल्ने ।

७. समयलाई महत्व दिने
हामीले आफ्नो समयलाई महत्व दिनुपर्छ । कुनै पनि व्यक्तिले आउने १० वर्षमा के के गर्ने भनेर प्लान गरिरहेका हुन्छन् र हामी सँग समय कम र काम धेरै हुन्छ । त्यसैले आफ्नो समय कता खर्च गरिरहेको छु र त्यसले आफुलाई फाइदा हुन्छ वा हुदैन भन्ने कुरामा ध्यान दिनु पर्छ । आफुलाई यदि त्यो कामले नकारात्मक असर गर्छ भने त्यहाँ आफ्नो समय खर्च नगर्ने ।

यि कुराहरुलाई ध्यानमा राख्दा युवाहरुको लागि फाइदाजनक हुन्छ र भविष्यमा पनि उनिहरु सफल हुन सक्ने सम्भावना बढ्छ ।

 

यो पनि पढ्नुहोस् ….

युवा अवस्थामा सकारात्मक र उत्साहित रहने ७ उपायहरू पढ्नुहोस्

बुवा र छोराको सम्बन्ध निर्माणमा ध्यान दिनु पर्ने कुराहरु

दुखी हुनुहुन्छ ? यस्तो गर्नुहोस् सधै खुशी मिल्नेछ

घरेलु महिलाले सिक्नै पर्ने केही सीपहरु पढ्नुहोस्

 

कस्तो किसिमको व्यक्ति तपाईंको खास साथी हो ? ७ तरिकाबाट चिन्नुहोस्

युटुब हेर्दै मुगुका एक युवकले कपाल काट्न सिके, मासिक ३० हजार आम्दानी

 

गुड न्यूज 24 
www.goodnews24.com
Good News Media 

 

यसमा तपाईको मत कमेन्ट गर्नुहोस्
chinese language institute in lalitpur nepal
bless

Related Articles

Leave a Reply

Your email address will not be published.

Back to top button