मनोरञ्जनमुख्य समाचारसमाचार
विपिन कार्कीले खेल्ने भनिएको फिल्म ‘एनिमल’ मा अन्ततः टंक धमला अनुबन्धित
काठमाडौँ । नेपाली कलाकार टंक धमला बलिउड फिल्म ‘एनिमल’ मा अनुबन्धित भएका छन् । ‘एनिमल’मा बलिउड अभिनेता रणवीर कपुरको प्रमुख भूमिका रहनेछ ।
सन्दीप रेड्डी भांगा निर्देशित एनिमलमा अभिनेता रणवीर कपुर, अनिल कपुर, रश्मिका मन्दना, बबी देओल लगायतको अभिनय रहनेछ । यसको अप्रिल १ देखि लण्डनमा छायांकन भइरहेको छ ।
टंक ‘एनिमल’मा बबी देओलको भाइको भूमिकामा देखिँदैछन् । एनिमलमा यसअघि विपिन कार्कीले अभिनय गर्ने भनिएको थियो तर उक्त फिल्ममा पछि टंक अनुबन्धित भएका हुन् ।
