अन्यगुड न्यूज 24समाचार
सडक व्यापारीसँग अभद्र व्यवहार गर्ने नगर प्रहरीलाई कारबाही
Kathmandu Metro Police
काठमाडौँ । काठमाडौं महानगरपालिकाले विभिन्न समयमा सडक व्यापारीहरूसँग अभद्र र अमानवीय व्यवहार गर्ने नगर प्रहरीलाई कारबाही गरेको छ । महानगर प्रहरी बलका प्रमुख नगर प्रहरी उपरीक्षक राजुनाथ पाण्डेका अनुसार यस क्रममा ७ जना करारका नगर प्रहरीलाई जागिरबाट हटाएको छ । स्थायी सेवामा रहेका ५ जनालाई निलम्बन गरिएको छ ।
‘सडक व्यापारीलाई अमानवीय व्यवहार गरेको देखिएपछि यस अघि पनि १२ जना नगर प्रहरीलाई विभागीय कारबाही गरिएको थियो । माहनगर प्रहरी बलको व्रिफिङ्मा अभद्र व्यवहार नगर्न निर्देशन दिइएको । यसका साथै जनस्तरका आएका गुनासोहरुको अध्ययन गरेर गल्ती गर्ने नगर प्रहरीलाई कारवाही गर्ने गरेको जानकारी पाण्डेले दिएका छन् ।
यस प्रकारका घटना दोहोरिन नदिन क्षेत्रमा खटिएका प्रहरीहरूलाई केन्द्रीय कार्यालयमा बोलाएर आचरण सम्बन्धी तालिम दिन थालिएको छ ।
