Saturday , 19 June 2021

नेपाल–भारत फाउडेशनले फोटोग्राफी प्रतियोगिता गराउने-GoodNews24

काठमाडौं । नेपालस्थित भारतीय दूतावास र बीपी कोइराला नेपाल–भारत फाउडेशनले फोटोग्राफी प्रतियोगिता गराउने भएको छ । ‘मैत्रीमार्फत मेरो लेन्स’ नाम दिएको सो प्रतियोगितामा नेपाली नागरिकले मात्र भाग लिन पाउने दूतावासले जनाएको छ । नेपाल भारतबीच रहेको सदियौंको सम्बन्धलाई अझ मजबुत बनाउन यो प्रतियोगिताको आयोजना गरिएको जनाइएको छ । नेपाल र भारतबीच सामाजिक एवं साँस्कृतिक सम्बन्ध रहेको त्यो अनुपम सम्बन्धलाई कदर गर्दै ‘मैत्री मार्फत मेरो लेन्स’ फोटोग्राफी प्रतियोगिताको घोषणा गर्न लागिएको हो । यो प्रतियोगिताबाट फोटोग्राफी भाषाको माध्यमले दुई देशबीचको बहुपक्षीय सम्बन्धलाई अझै बलियो बनाउने विश्वास व्यक्त गरिएको छ।
प्रतियोगीले दुई देश बीचको सम्बन्धलाई झल्काउने कला संस्कृति, वस्तुकला, नृत्य, शिक्षा, धर्म, चाडपर्व लगायत दुई देशको साझा सामाजिक आर्थिक विकास लगायतका विषयवस्तु तस्विर अर्थात प्रत्येक तस्विर भारत–नेपाल मैत्रीको प्रतिनिधित्व गरेको हुनुपर्ने दूतावासले जनाएको छ । यस प्रतियोगितामा भाग लिनका लागि कुनै शुल्क लाग्ने छैन । फोटो बनाउन लाग्ने खर्च प्रतियोगी स्वयंले व्यहोर्नु पर्नेछ र त्यसमा लागेको खर्च दूतावासले व्यहोर्ने छैन । छनौटमा परेका प्रतियोगितलाई प्रथम पुरस्कार ५० हजार, दोस्रो पुरस्कार ३० हजार र तेस्रो पुरस्कार १५ हजार र सन्त्वना पुरस्कार ५ जनालाई ६ हजारको दरले पुरस्कार प्रदान गरिने दूतावासले जनाएको छ । प्रतियोगीले आ–आफ्नो तस्विर सेप्टेम्बर ३१ सम्म दूतावासलाई पठाउन सकिनेछ ।

यो पनि पढ्नुहोस् ..
[irp posts=”3415″] [irp posts=”3558″] [irp posts=”3605″] [irp posts=”3549″]

यसमा तपाईको मत कमेन्ट गर्नुहोस्
Loading...

Check Also

आजदेखि खोप प्रदेशमा पठाइँदै-Goodnews24

काठमाडौँ, १० माघ – कोभिड–१९ विरुद्धको खोप ‘कोभिशिल्ड’ आजदेखि सातवटै प्रदेशमा पठाउन थालिएको छ । …

Powered by Youth Circle