Saturday , 25 September 2021

तरकारीका कार्यक्रमका लागि चितवनमा एक करोड ७१ लाख -GoodNews24

रत्ननगर । प्रधानमन्त्री कृषि आधुनिकीकरण परियोजना कार्यान्वयन एकाइ चितवनले चालू आर्थिक वर्षका लागि रु एक करोड ७१ लाख बराबरका तरकारीका कार्यक्रम सञ्चालन गर्ने भएको छ । साना सिँचाइ, मेसिनरी औजार उपकरण वितरण, हाइटेक नर्सरी, कष्टम हाइरिङ तथा तरकारीको बाली सुधारका कार्यक्रम सञ्चालन गर्न लागेको हो ।

परियोजना कार्यान्वयन एकाइ चितवनका प्रमुख मेघनाथ तिमल्सेनाका अनुसार चालू आर्थिक वर्षमा साना सिँचाइ र मेसिनरी औजार उपकरण वितरणका लागि निवेदन मागिएको छ । साना सिँचाइ कार्यक्रमअन्तर्गत ६० र मेसिनरी औजार उपकरणतर्फ रु ५२ लाखका कृषि औजार वितरण गर्न लागिएको छ । पचास प्रतिशत अनुदानमा कृषि समूह, कृषिफार्म, सहकारी र उद्यमीलाई कृषि औजार वितरण गरिने छ ।

कार्यालयले साना मेसिनरी औजार र कस्टम हायरिङ सेन्टर स्थापनालाई आवेदन खुलाएकामा ४७ कृषि समूह तथा सहकारीले निवेदन दिएका छन् । तरकारी जोनका प्रमुख पुष्पराज खनालका अनुसार साना मेसिनरी औजारतर्फ कृषि समूह सात, सहकारी १० र कृषिफार्मतर्फ १० वटाले निवेदन दिएका छन् । हायरिङ सेन्टर स्थापना गर्न २० समूहको निवेदन परेको छ । चालू आर्थिक वर्षमा किसानले पावरस्प्रे, इलेक्ट्रिक स्पियर, पावर टेलर, मिनी टेलर, रोटा भेटरलगायतका मेसिनरी औजार माग गरेको उहाँले जानकारी दिनुभयो ।

कृषि समूहतर्फ पावरस्प्रे २६, इलेक्ट्रिक स्पियर ५२, पावर टेलर पाँच, मिनी टेलर दुई, ड्याङ बनाउने मेसिन एक र रिपर एक थान माग भएको छ । विभिन्न सहकारीले पावर स्प्रे छ, इलेक्ट्रिक स्पियर २१ थान, मिनी टेलर एक, पावर टेलर दुई, ड्याङ बनाउने मेसिन एक र टिपर एक थान मागेका छन् । कृषिफार्मतर्फ मिनिटेलर छ, रोटा भेटर छ, बीउ रोप्ने मेसिन तीन, कल्ट्री तीन थानका लागि निवेदन पेश भएको छ ।

भरतपुर महानगरपालिकाका १, २, ३, १० र २९ बाहेकका वडामा तरकारी जोनका कार्यक्रम सञ्चालनमा छन् । जोनमा ३८ फार्म, १५ सहकारी, १८ कृषि समूह सूचीकृत भइसकेका छन् । सूचीकृत सहकारी, समूह तथा कृषि फार्मले तरकारी जोनका कार्यक्रममा सहभागी हुन पाउँछन् । चितवनमा २०७३÷७४ देखि तरकारी जोनका कार्यक्रम शुरु भएका हुन् । गत वर्ष कार्यालयले कष्टम हायरिङतर्फ तीन उपकरण, ३२ साना सिँचाइका बोरिङ, इलेक्ट्रिक स्पेयर ८१ थान, मिनी टिलर १२, झार गोड्ने ड्याङ बनाउने मेसिन दुई, ठूलो ट्र्याक्टर तीन, पावर स्पेयर नौ, गाँजर धुने प्लाण्ट २४ थान वितरण गरिएको थियो । गत आर्थिक वर्षका लागि तरकारी जोनमा रु एक करोड ४० लाख बराबरका कार्यक्रम सञ्चालन भएका थिए ।

तरकारी जोन सञ्चानलपछि चितवनमा तरकारी खेती गर्ने किसान बढेको कार्यालयले बताएको छ । भरतपुर महानगरपालिकामा मात्रै ६६२ हेक्टरमा तरकारी खेती हुने गरेको छ ।

यो पनि पढ्नुहोस् ..
[irp posts=”3415″] [irp posts=”2573″] [irp posts=”4224″] [irp posts=”2714″] [irp posts=”3415″] [irp posts=”3558″] [irp posts=”3605″] [irp posts=”3875″] [irp posts=”3930″] [irp posts=”2617″] [irp posts=”4080″] [irp posts=”4103″]

यसमा तपाईको मत कमेन्ट गर्नुहोस्
Loading...

Check Also

आजदेखि खोप प्रदेशमा पठाइँदै-Goodnews24

काठमाडौँ, १० माघ – कोभिड–१९ विरुद्धको खोप ‘कोभिशिल्ड’ आजदेखि सातवटै प्रदेशमा पठाउन थालिएको छ । …

Powered by Youth Circle