मुख्य समाचारसमाचार
एसईई विद्यार्थीका लागि टेलिकमको एसईई-२०७९ अफर, निःशुल्क सिमसहित अन्य थुप्रै अफरहरु
काठमाडौं । एसईईका विद्यार्थीका लागि भन्दै नेपाल टेलिकमले एसईई २०७९ अफर ल्याएको छ । कम्पनीका अनुसार अब यही चैत २४ देखि ३ महिनासम्म निःशुल्क सिम र ६ महिनासम्म बोनस अन रिचार्ज अफर सार्वजनिक भएको हो ।
देशभरका कार्यालयबाट कक्षा १० को मार्कसिटको फोटोकपी, एकप्रति फोटो र अभिभावकको नागरिकता वा आफ्नो परिचयपत्रको फोटोकपी संलग्न गरी फाराम भरेर निःशुल्क रुपमा सिमकार्ड प्राप्त गर्न सकिने टेलिकमले जनाएको छ ।
अफरमा ६०० मिनेट टकटाइम, ३० दिनसम्म ३००० एमबी डाटा, र ३०० वटा एसएमएसको सुविधा प्राप्त हुने बताएको छ । त्यस्तै अन्य विभिन्न थुप्रै फरहरु टेलिकमले ल्याएको छ ।
