काठमाडौँ। इजरायलको शीर्ष श्रेणीको खेल महिला क्लब लिग फुटबल खेल्नका लागि नेपाली राष्ट्रिय टिमकी स्ट्राइकर सावित्रा भण्डारी इजरायल प्रस्थान गरेकी छन् । सावित्रा खेलका लागि मंगलबार बिहान इजरायल प्रस्थान गरेकी हुन् ।
उनले त्यहाँ हापोएल रानानाको तर्फबाट खेल खेल्ने छिन् । सावित्रा युरोपियन लिग खेल्न जाने पहिलो नेपाली खेलाडी हुन् ।
इजरायल एशियन राष्ट्र भए पनि त्यहाँको क्लबले युईएफएमा आबद्ध भएर युरोपियन क्लब फुटबल खेल्दै आएको छ ।
