हरेक आमाबुवालाई आफ्ना छोराछोरीले राम्रो बानी व्यवहार सिकुन भन्ने आशा हुन्छ। आफ्ना बच्चाहरुले बाहिरका व्यक्तिसँग पनि राम्रो व्यवहार गरुन भन्ने इच्छा सबै अभिभावकको हुन्छ । तर कुनै पनि बच्चाको पहिलो स्कूल र शिक्षकशिक्षका भनेकै उनीहरुको आमाबुवा हुन् । आमाबुवाले गर्ने कार्यहरु बच्चाहरु कपि गरिरहेका हुन्छन् ।
धेरै पटक आमाबुवाले जानी नजानी बच्चाका अगाडि यस्ता काम गर्छन् जसको नराम्रो असर उनीहरुको बच्चामा पर्न जान्छ । आमाबुवाले गरेको व्यवहारका कारण बच्चाहरु पनि नराम्रो बानी व्यवहार देखाउन थाल्छन् । त्यसैले बच्चाका अगाडि गर्नै नहुने केही कुराहरु बारे जानि राखौँ ।
गाली गर्नु:
धेरै मानिसहरुमा कुनै कुरामा थोरै रिस उठ्दा पनि गाली गर्ने बानी हुन्छ। यसो गर्दा बालमष्तिस्कमा नराम्रो असर पर्न सक्छ । रिस उठेको बेला त्यस्तो नराम्रो शब्दहरु बोल्दा बच्चाहरुले पनि ति शब्द सिक्छन् त्यसैले रिस उठेको समयमा बच्चाको अगाडी कसैलाई पनि गाली गर्ने काम नगर्नुहोला ।
अल्छीपना:
बच्चाको अगाडि कहिल्यै पनि अल्छी भएर बस्नु हुदैन। यस्तो बानी बच्चामा एकदमै छिटो सर्ने गर्दछ ।
नाक कोट्याउने:
कुनै पनि मानिसको सबैभन्दा नराम्रो बानीनाक कोट्याउने हो । किनकी हामी खानाहरु खानलाई पनि त्यही हात प्रयोग गर्छौं । त्यसैले नाकलाई सफा गर्ने समयमा बाहेक अरु बेला बिनाकारण नाकमा हात लग्ने वा कोट्याउने गर्नु हुँदैन । यही बानी बच्चाहरुले पनि सिक्छन् । जो पछि गएर एउटा नराम्रो बानी बन्न सक्छ ।
रक्सी वा चुरोट:
रक्सी, चुरोटको सेवन गर्नु कसैका लागि पनि राम्रो होइन तर यदी तपाईंलाई यसको लत लागेको छ भने पनि बच्चाको अगाडि यस्ता कुराको सेवन गर्नु हुदैन बच्नुहोस् । किनकी कुनै पनि आमाबुवाले आफ्ना बच्चाहरु कुलतमा फसेको हेर्न पक्कै पनि रुचाउँदैन । त्यसका लागि तपाईं आफै पनि सतर्क हुन जरुरी हुन्छ ।
कुरा काट्नु:
यदी तपाईं फोनमा वा साथीभाईसँग बच्चाको अगाडि कुरा काट्ने गर्नु हुन्छ भने यस्तो बानीलाई तुरुन्त त्याग्नुहोस् । किनभने यसले तपाईंप्रति बच्चाको दृष्टिकोण नै नराम्रो बन्न सक्छ । अरुको बारेमा कुरा काटेर बस्ने बानीले बच्चा पनि त्यस्तै किसिको हुँदै जान्छ जुन सकारात्मक किसिमको बानि होइन। -Rabina Mangranti
अरू पनि पढ्नुहोस्:
गर्भवती अवस्थामा आएको चाया पोतोलाई ‘ग्लोआज्मा’ भनिन्छ
