‘यो माया र साथको लागि कृतज्ञ छु’- डा. तोसिमा कार्की
ललितपुर । ललितपुर क्षेत्र नं ३ की राष्ट्रिय स्वतन्त्र पार्टीकी उम्मेदवार डा. तोसिमा कार्कीले कृतज्ञता व्यक्त गर्नुभएको छ । आफ्नो क्षेत्रको मतगणना भईरहँदा डा. तोसिमा कार्कीले आफ्ना शुभचिन्तकहरुलाई कृतज्ञता व्यक्त गर्नुभएको हो ।
यतिबेला ललितपुर क्षेत्र नं ३ को मतगणना हुने क्रम जारी छ । हालसम्मको मतपरिणाम अनुसार कार्की अग्रस्थानमा रहनुभएको छ । कार्कीले हालसम्म २ हजार ४ सय ४९ मत प्राप्त गर्नुएको छ भने एमालेका अमृत खड्का २ हजार ३९ मतसहित दोश्रो स्थानमा हुनुहुन्छ ।
यता नेकपा माओवादी केन्द्रकी पम्फा भुसाल भने एक हजार २ सय ५० मतसहित तेश्रो स्थानमा हुनुहुन्छ । कार्कीले सामाजिक सञ्जालमा लेख्दै कृतज्ञता व्यक्त गर्नुभएको हो ।
डा. तोसिमा कार्की लेख्नुहुन्छ:
धेरै भन्दा धेरै शुभेक्षा, शुभकामनाका सन्देश तथा फोनहरु आईहेको छ | हजुरहरु सबैले दिईरहनुभएको यो माया र साथको लागि कृतज्ञ छु | कृपया चुनावी अपडेटको लागी Dr. Toshima Karki पेजमा जोडिन सक्नुहुनेछ |
