खाँदा तीतो भए पनि करेला स्वास्थ्यका लागि धेरै लाभदायक हुन्छ।
– शरीरमा कफ जम्मा भएमा करेला खानुपर्छ। करेलामा पाइने फस्फोरसले शरीरको कफलाई निकाल्नका लागि मद्दत पुर्याउँछ।
– करेलाले पाचनशक्ति बलियो बनाउँछ र भोक जगाउँछ।
– करेला शितल खाद्य भएकाले गर्मी याममा करेला खाने गर्नु फाइदाजनक हुन्छ।
– दमको समस्या भएकाहरूले मसला नहालीकन पकाएको करेलाको तरकारी खानु लाभदायक हुन्छ।
– पक्षघात भएकाहरूलाई काँचो करेला खुवाउँदा सुधारका संकेत देखा परेका धेरै उदाहरण पनि छन्।
– बान्ता, हैजा आदि भएमा करेलाको रसमा थोरै पानी र कालो नुन मिसाएर खाने गरेमा तुरुन्त लाभ प्राप्त हुन्छ।
– कलेजोसम्बन्धी समस्या भएकाहरूका लागि पनि करेलाको सेवन लाभदायक हुन्छ।
– डायबेटिजको समस्या भएकाहरूका लागि करेलाको तरकारी सेवन गर्नु उत्तम मानिन्छ। यसले शरीरमा चिनीको मात्रालाई नियन्त्रित गर्छ।
– करेला खाने गर्दा रगत सफा हुन्छ। रगतमा हेमोग्लोबिनको मात्रा बढाउनका लागि पनि करेला खाने गर्नुपर्छ।
– बाथ रोग भएमा अथवा हातखुट्टा पोल्ने गरेमा काँचो करेलाको झोलले मालिस गरेमा फाइदा मिल्छ।
