मुख्य समाचारसमाचार
कोकाहाको पानी धरानमा पुर्याउँदा खुसीले रोए मेयर हर्क साम्पाङ
काठमाडौं । धरान उपमहानगरपालिकाका मेयर हर्क साम्पाङको लामो समयको अथक प्रयास र मेहनतपछि धरानमा कोकाहा नदिको पानी पुगेको छ ।
गत सोमबार राति पानी धरान पुगेको थियो । सोही क्रममा मेयर साम्पाङले स्थानीयलाई सो पानीले नुहाउने कार्यक्रममा सहभागी हुन अनुरोध समेत गरेका छन्।
उनले सामाजिक संजालमार्फत सबैलाई नुहाउन आउन पनि अनुरोध गरेका छन् । उनले फेसबुकमा- ”अब सबै जना नुहाउन आउनु होला ! जय धरान ! जय श्रमदान ! जय कोकाहा !” भनेका छन् ।
लामो प्रयासपछि कोकाहा नदिको पानी धरान आइपुगेको हो । पानी धरान पुग्दा मेयर साम्पाङ भने भावुक देखिएका थिए । उनी खुसीले आँशु झार्दै पाइपको पानी छुन पुगेको भिडियो सामाजिक संजालमा देख्न सकिन्छ ।
