काठमाडौँ । जिल्ला अदालत नवलपुरको फैसलाविरुद्ध हाल कारागारमा रहेका अभिनेता पल शाहले उच्च अदालत पोखरामा पुनरावेदन दिएका छन् ।
नवलपुर जिल्ला अदालतले नाबालिकामाथि यौन दुरुपयोग गरेको मुद्दामा अभिनेता शाहलाई दोषी ठहर गरेको थियो । उनले जिल्ला अदालतको फैसला उल्ट्याई सफाइ दिनुपर्ने माग राख्दै पुनरावेदन दिएका हुन् ।
जिल्ला अदालत नवलपुरले अभिनेता पल शाहमाथी बालयौन दुरुपयोगमा दोषी ठहर गर्दै साढे दुई वर्ष कैद, २५ हजार रुपैयाँ जरिवाना र पीडितलाई १० लाख रुपैयाँ क्षतिपूर्तिको फैसला सुनाएको थियो । उनीविरुद्ध सोही प्रकृतिको मुद्दा जिल्ला अदालत तनहुँमा विचाराधीन छ ।
