मुख्य समाचारसमाचार
कम्बोडियामा ज्यान गुमाएका निराकारका बुबा र प्रधानमन्त्रीबिच भेट, शव नेपाल ल्याउन सहयोग गर्ने
काठमाडौं । कम्बोडिया ग्राण्ड डायमण्डसिटी र क्यासिनोमा भएको आगलागीमा परी गत बिहीबार मृत्यु भएका निराकार पाण्डेका बुवा अग्नि पाण्डेले प्रधानमन्त्री पुष्पकमल दाहाल (प्रचण्ड)संग भेटवार्ता गर्नुभएको छ ।
बिहीबार प्रधानमन्त्री तथा मन्त्रिपरिषदको कार्यालयमा भेट गर्नुहुँदै प्रधानमन्त्रीले निराकारको निधनप्रति दुख व्यक्त गर्दै परिवारजनप्रति समवेदना व्यक्त गर्नुभएको छ ।
त्यस्तै प्रधानमन्त्रीले निराकारको शव नेपाल ल्याउन र परिवारलाई सरकारको तर्फबाट सहयोग गर्ने प्रतिबद्धता पनि व्यक्त गर्नुभएको छ ।
