काठमाडौं । बलिउड अभिनेता शाहरूख खानको आज ५७ औं जन्मदिन हो । आफ्नो जन्मदिनको अवसर पारेर अभिनेता शाहरूखले आगामी फिल्म ‘पठान’ को टिजर सार्वजनिक गरिएको छ।
बुधबार यशराज फिल्म्सको युट्युब च्यानलबाट टिजर सार्वजनिक गरिएको छ भने फिल्म जनावरी २५ देखि हिन्दी, तमिल र तेलुगु भाषामा प्रदर्शन हुनेछ।
टिजरमा दिपिका पादुकोण र जोन अब्राहमलाई पनि देखाइएको छ। सार्वजनिक टिजरमा शाहरूखलाई एक्सन अवतारमा देख्न सकिन्छ।
‘पठान’ लाई सिद्धार्थ आनन्दले निर्देशन गरेका हुन्। फिल्मको कथा आनन्द स्वयमले तयार पारेका हुन्।
यो फिल्मबाहेक शाहरूखको ‘जवान’ र ‘डंकी’ प्रदर्शनको पर्खाइमा छ।