Tuesday , 21 September 2021

दशैँपछि पठनपाठन शुरु गर्दै गण्डकी बहुप्राविधिक शिक्षालय-GoodNews24

पोखरा महानगरपालिकाले बजारको मागका आधारमा दक्ष प्राविधिक जनशक्ति उत्पादनको लक्ष्य सहित ‘गण्डकी बहुप्राविधिक शिक्षालय’ स्थापना गरेको छ । शिक्षालयमा यसैवर्षदेखि ‘डिप्लोमा इन अटोमोवाइल इन्जिनियरिङ’ र ‘डिप्लोमा इन सिभिल इन्जिनियरिङ’को तीन वर्षे कोर्षको पठनपाठन सञ्चालन हुनेछ ।

अटोमोवाइल इन्जिनियरिङ सम्वन्धी आवश्यक सीपको अभावमा यहाँका युवा बेरोजगार बस्नुपर्ने बाध्यता रहेको अवस्थामा महानगरपालिकाले यस क्षेत्रमा आवश्यक दक्ष जनशक्ति उत्पादन गर्ने लक्ष्यका साथ ती विषयमा अध्यन अध्यापन शुरु गर्न लागेको हो । महानगरले प्राविधिक शिक्षा तथा तालीम परिषद्(सिटिइभिटी)बाट सम्वन्धन लिएर वडा नं २९ भण्डारढीकमा स्थापना गरेको बहुप्राविधिक शिक्षालयबाट प्राविधिक विषयमा अध्यापन हुनेछन् ।

पछिल्ला वर्षहरुमा तीव्र विकास भएको क्षेत्रमा अटोमोवाइल पर्दछ । स्वदेशभित्रै गाडीका पार्टपुर्जा तथा उपकरणहरुको उत्पादन नभएपनि छिमेकी मुलुकबाट आयात हुन्छ ।गाडी तथा यसका पार्टपुर्जाको आयातसँगै यसको मर्मत सम्भारको काम गर्ने अधिकाँस जनशक्ति समेत विदेशीनै छन् । उच्च रोजगारी प्राप्तिको क्षेत्र भएपनि देशभित्र सो कामका दक्ष जनशक्ति नहुँदा ठूलो धनराशी बाहिरिएको छ ।
सिभिल इन्जिनियरिङ अधिकांश प्राविधिक शिक्षालयहरुमा पढाइ हुने भएपनि अटोमोवाइल पढाइ हुने कलेज तथा क्याम्पसहरु नगण्य छन् । इन्जिनियरिङ अध्ययन संस्थान अन्तर्गतको पश्चिमाञ्चल क्याम्पसमा केही वर्ष अघि अटोमोवाइल विषय अध्यापन गरिएपनि पनि हाल सो विषयको पठनपाठन हुँदैन ।सिटिइभीटिले विद्यार्थी भर्नाका लागि आवेदन खुलाउने र उत्तीर्ण विद्यार्थीहरुलाई शिक्षालयमा अध्यापन गरिने महानगर शिक्षा महाशाखा प्रमुख हेमप्रसाद आचार्यले बताउनुभयो । उहाँका अनुसार दुवै विषयमा ४८÷४८ सिट सङ्ख्या निर्धारण गरिएको र एसइई उत्तीर्ण विद्यार्थीले आवेदन गर्न सक्नेछन् । आगागी दशैँपछि कक्षा शुरु गर्ने तयारी गरिएको छ ।

महानगर प्रमुख मानबहादुर जिसीले सबैभन्दा बढी रोजगारी प्राप्तिको क्षेत्रमा सँधै परर्निभर बन्नुपर्ने अवस्थाको अन्त्य गर्न अटोमोवाइल क्षेत्रको जनशक्ति उत्पादनलाई प्राथमिकतामा राखिएको जानकारी दिनुभयो । उहाँले आगामी दिनमा पर्यटन, वन, कृषि, लगायत बजारको मागका आधारमा अन्य विषयका कक्षाहरु समेत थप गर्दै योजना अनुसार बहुप्राविधिक शिक्षालय स्थापना गरिएको बताउनुभयो । उहाँले भन्नुभयो,“सँधै परनिर्भर भएर पैसा बाहिर पठाएर यहाँका मान्छे बेरोजगार बस्नुको अर्थ छैन, अटोमोवाइलवालाहरुलाई समेत आफूलाई चाहिने जनशक्ति लगानी गरेर पढाउ भन्ने हो,रोजगारको सुनिश्चिता गरेपछि मान्छे पढ्न आउलान् भन्ने छ ।”

यस वर्ष पहिलोपटक दई विषयमा प्राविधिक विषय अध्यापन गरिएपनि शिक्षालयको पूर्वाधार निर्माणपछि प्राविधिक धारका कक्षाहरु समेत थप गर्र्दै शिक्षालयलाई प्राविधिक शैक्षिक संस्थाको रुपमा विकास गर्ने योजनाका साथ महानगरपालिका अघि बढेको उहाँले जानकारी दिनुभयो । विद्यार्थी कोटा निर्धारण,छात्रवृत्ति तथा भर्ना शुल्क तय गरिसकिएको महाशाखा प्रमुख आचार्यले बताउनुभयो ।
खुलामा देशभरिका विद्यार्थीले न्यून शुल्कमा पढ्न पाउँछन् भने महानगरवासीलाई केही कोटा निर्धारण गरिएको र सोही अनुसार विद्यार्थीहरुलाई छात्रवृत्ति समेत प्रदान गर्ने योजना रहेको बताइन्छ ।
सिभिल इन्जिनियरिङका लागि तीन वर्षको रु एक लाख ९५ हजार शुल्क छ भने अटोमोवाइलको रु एक लाख ७५ हजार तोकिएको छ । आफ्नै पूर्वाधार नवन्दासम्म शुरुआतमा महानगरले जनप्रकाश माध्यमिक विद्यालयमा कक्षा सञ्चालन गर्ने योजना बनाएको छ । प्राक्टिकलको लागि पश्चिमाञ्चल क्याम्पससँग सम्झौता गरिएको भएको उहाँले जानकारी दिनभयो । “पूर्वाधार तयार नहुँदासम्म हामीले जनप्रकाश माविमा पढनपाठन गर्दछौँ, राम्रो ल्याव भएकाले प्राक्टिकल पश्चिमाञ्चल क्याम्पसमा हुन्छ ।”उहाँले भन्नुभयो । प्राविधिक शिक्षालय सञ्चालका लागि महानगर प्रमुख जिसीको संयोजकत्वमा छ सदस्सीय सञ्चालक समिति बनेको छ ।

त्यसैगरी शिक्षालय निर्देशकका लागि विज्ञापन गरिएको छ । महानगरको शहरी योजना आयोगका आर्किटेक्ट बाबुराम भण्डारीको संयोजकत्वमा रहेको निर्देशक सिफारिस समितिले केही दिनमा निर्देशक पदपूर्तिका लागि महानगरमा सिफारिस गर्नेछ ।अटोमेकानिकल वक्र्स एशोसिएसनका अध्यक्ष सानुमान जलारीले अटोमोवाइलको जनशक्ति जिल्लामा अभाव रहेको बताउनुभयो । यस विषयको अध्यापनबाट दक्ष र सीपयुक्त जनशक्ति उत्पादन हुने र मागको पूर्ति हुने उहाँको भनाई छ ।यहाँ अटोमोवाइलको क्षेत्रमा काम गर्नेहरु मध्य ८० प्रतिशत हाराहारीमा भारतीय कामदार रहेका जनाइएको छ ।

यो पनि पढ्नुहोस् ..

[irp posts=”3544″] [irp posts=”3554″] [irp posts=”2573″] [irp posts=”2770″] [irp posts=”3174″]
यसमा तपाईको मत कमेन्ट गर्नुहोस्
Loading...

Check Also

आजदेखि खोप प्रदेशमा पठाइँदै-Goodnews24

काठमाडौँ, १० माघ – कोभिड–१९ विरुद्धको खोप ‘कोभिशिल्ड’ आजदेखि सातवटै प्रदेशमा पठाउन थालिएको छ । …

Powered by Youth Circle