काठमाडौं। जापानको फुकुओकामा आयोजना भइरहेको २० औं वर्ल्ड एक्वाटिक च्याम्पियनसिप २०२३ मा नेपाली पौडी खेलाडी गौरीका सिंहले राष्ट्रिय कीर्तिमान बनाएकी छन् ।
१३औँ सागका ४ स्वर्ण पदकधारी गौरीकाले १०० मिटर ब्याक स्ट्रोकमा १ मिनेट ६ दशमलव ८० सेकेण्ड समयमा दुरी पूरा गर्दै आफ्नै नाममा रहेको राष्ट्रिय कीर्तिमान तोडेका हुन् ।
गौरीकाले यसअघि भारतको गुवाहटीमा आयोजना भएको १२औँ दक्षिण एशियाली खेलकुदमा १ मिनेट ७ दशमलव ३१ सेकेण्ड समयको रेकर्ड बनाएकी थिइन ।
यस्तै, नेपाली पौडीबाज नासिरले भने लगातार दोस्रो दिन पनि नयाँ कीर्तिमान बनाए । पौडी संघका अध्यक्ष अशोक बज्राचार्यले दिएको जानकारी अनुसार नासिरले २०० मिटर फ्रिस्टाइलमा आफ्नै नाममा रहेको १ मिनेट ५८ दशमलव २३ सेकेन्डको राष्ट्रिय कीर्तिमानमा सुधार गर्दै १ मिनेट ५७ दशमलव २६ सेकेण्ड समयमा नयाँ राष्ट्रिय कीर्तिमान बनाएका हुन् ।
यसअघि नासिरले आइतबार ४०० मिटर फ्रिस्टायलमा पनि आफ्नै नामको कीर्तिमान सुधार गर्दै नयाँ कीर्तिमान बनाएका छन् ।
