अरू देश चन्द्रमामा पुगेर पानी खोजिरहेका छन्, तर हामी भ्याकुता खोजेर बिहे गर्दिरहेका छौ- दिपकराज गिरी
काठमाडौं । पछिल्लो समय देशका विभिन्न क्षेत्रहरुमा गर्मी ह्वात्तै बढेको छ । गर्मी बढेसंगै मानीसहरु वर्षाको लागि तड्पीरहेको पनि पाउँछौं ।
यसैसन्दर्भमा कतिपय ठाउँहरुमा भने भ्यागुतोको जोडीलाई विवाह गराए गरेको पनि कुराहरु सामाजिक सञ्जालहरुमा आइरहेका छन् । हाँसो लाग्दा यी दृश्यहरुले वास्तवमै अहिलेको आधुनिक विज्ञानलाई भने गिज्याइँरहेको देखिन्छ ।
यसै बखत नेपाली कला क्षेत्रलाई एकदमै नजिकबाट नियाँल्ने र भनौं विशेष त सामाजिक सञ्जालहरुमा आफ्ना भनाईहरु सार्वजनिक गरिरहने तथा विभिन्न राष्ट्रिय मुद्दाहरुमा पनि टिका टिप्पणीहरु गरिरहने कलाकार दिपक राज गिरीले गर्मी र भ्यागुतोको विवाहको विषलाई लिएर टिप्पणी गरेका छन् ।
कलाकार गिरीले सामाजिक सञ्जाल फेसबुकमा व्यङ्ग्य गर्दै, ”अरू देश चन्द्रमामा पुगेर पानी खोजिरहेका छन् तर हामी अहिलेको युगमा त्यहि पानीको लागि भ्याकुता खोजेर बिहे गर्दिरहेका छौ” भनेका छन् ।
उनले व्यङ्ग्य गर्दै नव विवाहित जोडिलाई दाम्पत्य जीवनको शुभकामना भन्दै दुई भ्यागुतोको तस्बिर पनि सेयर गरेका छन् ।
