काठमाडौँ। भुवन केसीको फिल्म ‘ड्रिम्स’ बाट अभिनयमा भित्रिएकी अभिनेत्री साम्राज्ञी राज्यलक्ष्मी शाहले पहिलो फिल्मबाटै हिट उनले त्यसपछि ‘ए मेरो हजुर २’ ले पनि हिट भयो ।
एकपछि अर्को फिल्म हिट हुँदा उनलाई फिल्मको अफरको लाइन लाग्यो । त्यसपछि ‘कायरा’, ‘तिमीसँग’, ‘मारुनी’ र ‘रातो टीका निधारमा’ आदि फिल्ममा उनले अभिनय गरिन् । यी फिल्मले पनि उनको करियरमा सकारात्मक प्रभाव पारेको थियो।
तर पछिल्लो समयको ‘तिम्रो मेरो साथ’ र ‘ह्यारी कि प्यारी’ फ्लप भएपछि भने उनको करियरमा नराम्रो असर पर्यो । त्यसपछि त्यसपछि उनलाई फिल्मको अफर कम आउन थाल्यो ।
अहिले भने उनी फुर्सदमा छिन् । दीपेन्द्र लामा निर्देशित ‘नाङ्गो गाउँ’ मा अभिनय गरेपछि उनले कुनै फिल्म साइन गरेकी छैनन् । किनभने आगामी भदौ २९ गतेबाट प्रदर्शनमा आउने फिल्म ‘नाङ्गो गाउँ’को पर्खाइमा छिन् साम्राज्ञी । यो फिल्मबाट आफ्नो ओरालो लागेको करियर फेरि फर्किने उनले आस गरेकी छन् ।
फिल्ममा बक्स अफिसका हिट मेशिन मानिएका अभिनेता दयाहाङ राई र ब्लकबस्टर फिल्म ‘छ माया छपक्कै’का निर्देशक दीपेन्द्र लामा यो फिल्ममा छन् ।
दयाहाङ र दीपेन्द्र दुबै यो फिल्ममा भएको कारण पनि उनलाई ‘नाङ्गो गाउँ’ प्रति ठुलो आशा छ । किनभने फिल्म हिट भयो भने उनको संकटउन्मुख करियर फेरि लयमा फर्कन सक्नेछ ।
