मनसुनले गर्दा चर्को गर्मीलाई शान्त पारेर बिस्तारै राहत मिल्छ । गर्मीले आत्तिएका आम मानिसहरु पनि वर्षालाई नै पर्खिरहेका छन् । तर, यो मौसमले लागि शितलता त ल्याउँछ, तर नयाँ अभिभावकका लागि समस्या पनिल्याउँछ किनभने मनसुन महिना वर्षाका लागि मात्र होइन रोगको लागि पनि प्रचलित छ। यस्तो अवस्थामा नयाँ अभिभावकले आफ्नो बच्चाको हेरचाह कसरी गर्ने, यो सबैभन्दा ठूलो प्रश्न हो । वर्षामा साना बालबालिकालाई रोगबाट कसरी सुरक्षित राख्ने ?
मनसुनमा बालबालिकालाई रोगबाट कसरी जोगाउने ?
पानीजन्य संक्रमणको जोखिम वर्षायाममा ज्यादा हुन्छ, यस्तो अवस्थामा बालबालिका बिरामी हुने सम्भावना बढी हुन्छ । तसर्थ, पहिलो पटक आमाबाबुले मनसुनमा आफ्नो बच्चालाई स्वस्थ राख्न थप सावधानी अपनाउनु आवश्यक छ । यसका लागि बानीमा केही परिवर्तन र अलिकति सावधानीले तपाईको कामलाई सहज बनाउन सक्छ ।
वर्षाबाट बचाउनुहोस्:
आफ्नो बच्चालाई वर्षामा भिज्नबाट बचाउने यसका लागि, छाता, रेनकोट र रेन बुटहरुको प्रयोग गर्ने ।बच्चाहरूलाई बाहिर लैजानु अघि, उनीहरूका लागि आवश्यकसबै चीजहरू छन् भनेर सुनिश्चित गर्नुहोस्। वर्षाको समयमा, तापक्रम पनि छिटो तातो र चिसो हुने गर्छ। गर्मीबाट बच्न, बच्चाहरूलाई आरामदायक सुती कपडा लगाईदिने, तर जब मौसम चिसो हुन्छ, तिनीहरूलाई थोरै बाक्लो लुगा लगाइदिने। ध्यान राख्नुहोस् कि बच्चाको लुगा पूर्णतया सुख्खा होस् किनभने वर्षाको मौसममा, कपडाले ओसिलो अवशोषित गर्ने प्रवृत्ति हुन्छ, जसले फंगल संक्रमण निम्त्याउन सक्छ।
डायपर चेन्ज गर्ने:
वर्षाको मौसममा बच्चालाई एक मिनेटको लागि पनि भिजेको डायपर नलगाइदिने । चिसो वा पानी परेको दिनमा बालबालिकाले अन्य मौसमको तुलनामा धेरै पिसाब फेर्छन्, जसले गर्दा छालामा दागहरू आउन सक्छन् । यसबाहेक संक्रमणको जोखिम पनि बढ्छ र उनीहरुलाई चिसो पनि लाग्न सक्छ । त्यसैले, आफ्नो बच्चाको न्याप्पी भिजेको वा फोहोर भएको देख्ने बित्तिकै परिवर्तन गर्न नबिर्सनुहोस्।
रोगलाई बेवास्ता नगर्नुहोस्:
ज्वरो आउने, शरीर दुख्ने, हाच्छिउँ आउनेलगायतका लक्षणहरू मनसुनसँग सम्बन्धित रोग हुन सक्छन् । यस सिजनमा भाइरल इन्फेक्सनको जोखिम पनि बढ्छ । यदि तपाईंले त्यस्ता कुनै लक्षणहरू देख्नुभयो भने तुरुन्तै आफ्नो डाक्टरलाई सम्पर्क गर्नुहोस् र रोगको प्रारम्भिक चरणमा यससँग लड्न उचित सावधानी अपनाउनुहोस्।
लामखुट्टे टाढा राख्नुहोस्:
लामखुट्टेको टोकाइले नवजात शिशुको लागि गम्भीर समस्याहरू निम्त्याउन सक्छ, जसले गर्दा उनीहरूको शरीरमा रातो एलर्जि आउने र सुन्निन सक्छ। यस्तो अवस्थामा बच्चालाई लामखुट्टेबाट बचनका झुल अथवा जालीमा राख्नुहोस्, ताकि उनीहरू राम्रोसँग सुत्न सकून्। साँझ, तिनीहरूलाई पूर्ण रूपमा छोपिएको लुगा लगाउनुहोस्। यदि तपाइँसँग लामखुट्टे भगाउने प्राकृतिक उपाय छ भने, तपार्इ त्यसको पनि प्रयोग गर्न सक्नुहुन्छ।
मनसुनमा बच्चालाई धेरै नुहाउने:
वयस्कहरू जस्तो नभई, बच्चाहरूलाई दैनिक नुहाउन आवश्यक पर्दैन किनकि उनीहरूले आफ्नो अधिकांश समय घर भित्र बिताउँछन्। यस्तो अवस्थामा मनसुनको मौसममा बच्चालाई हप्तामा दुईदेखि तीन पटक नुहाउनु नै पर्याप्त हुन्छ । यदि तपाईंले बच्चालाई बाहिर लैजानुभएको छ भने, उसलाई मनतातो पानीले नुहाइदिनुहोस्। -Rabina Mangranti
