एजेन्सी । विश्वमा धेरै किसिमका टापुहरू छन् । जसको सुन्दरतालाले हेर्न जाने पर्यटकहरुलाई लालाहित बनाइदिन्छ । ति टापुहरूले राष्ट्रिय तथा अन्तराष्ट्रिय पर्यटकहरूलाई आकर्षित गरिरहेको हुन्छ । तर के तपाइलाई थाहा छ ? विश्वमा यस्ता टापुहरू पनि छन् , जुन टापुमा तपाई जाने कल्पना पनि गर्न मन गर्नुहुन्न ।
- पोभेजिला आइल्याण्ड, इटाली
इटालीमा रहेको यो टापुलाई ‘आइल्याण्ड अफ डेथ’ पनि भनिन्छ । यो टापुमा जाने मानिस कहिल्यै फर्केर आउँदैन भन्ने विश्वास छ । सयौं वर्षअघि करिब एक लाख ६० हजार बिरामीलाई यहाँ जिउँदै जलाइएको बताइन्छ । यसलाई भूत आइल्याण्ड पनि भनिन्छ ।
- इल्हा दा क्विमाडा टापु, ब्राजिल
यो टापु ब्राजिलमा अवस्थित छ जुन निकै खतरनाक मानिन्छ । ब्राजिलको यस टापुमा हजारौं ‘गोल्डेन लान्सहेड भाइपर’हरू बस्छन् । यो खतरनाक सर्प विश्वको सबैभन्दा विषालु प्रजातिको हो । यसबाट निस्किने विषले मात्रै पनि मानिसको मासु पग्लन थाल्छ । त्यसैले ब्राजिलको नौसेनाले यस टापुमा जान प्रतिबन्ध पनि लगाएको छ ।
- लुजोन द्वीप, फिलिपिन्स
सक्रिय ज्वालामुखी ‘ताल ज्वालामुखी’का कारण यो टापु खतरनाक मानिन्छ । यहाँ ज्वालामुखीय ताल छ । यसलाई हेर्न संसारभरका मानिसहरू आउँछन् ।
- साबा आइल्याण्ड, नेदरल्याण्ड
संसारमा सबैभन्दा धेरै आँधी आउँने टापुमा यो पर्दछ । यो टापु नेदरल्याण्डमा छ । यी खतरनाक आँधीका कारण धेरै जहाजहरू टापु वरपर डुबेका छन् ।
