काठमाडौं । नेपालका ललित धिमालले माल्दिभ्समा भएको दक्षिण एशियाली शारीरिक सुगठन प्रतियोगितामा स्वर्ण पदक जितेका छन् ।
माल्दिभ्सको मालेमा सम्पन्न प्रतियोगिताको ७५ केजी तौल समुहमा नेपालका ललितले स्वर्ण पदक जितेका हुन् ।
उक्त प्रतियोगितामा भारत दोस्रो, चौथो तथा पाँचौं भएका थिए भने अफगानिस्तानका खेलाडी तेस्रो भएका थिए ।
उपाध्यक्ष वकिल मान तुलाधर उदासको नेतृत्वमा तीन सदस्यीय टोली माल्दिभ्समा छ । नेपालका दिनेश श्रेष्ठले अन्तराष्ट्रिय निर्णायकको भुमिका निर्वाह गरिरहेका छन् ।
ललितले हालै काठमाडौंमा सम्पन्न आठौं मिस्टर हिमालय शारीरिक सुगठन प्रतियोगितामा ओलभरअलमा विजेता समेत बनेका थिए । उनले उपाधि सहित ५ लाख २५ हजार रुपैयाँ प्राप्त गरेका थिए ।
