अन्तर्राष्ट्रिय क्रिकेट रङ्गशाला निर्माणमा प्रहरीको श्रमदान
![](https://goodnews24.com/wp-content/uploads/2019/12/dan-bahadur-malla.jpg)
जिल्ला प्रहरी कार्यालय चितवनका अनुसार भरतपुरमा निर्माण भइरहेको गौतमबुद्ध अन्तर्राष्ट्रिय क्रिकेट रङ्गशालामा चितवन प्रहरीले बिहानको समयमा २०० को सङ्ख्यामा पुगेर प्रहरीले रङ्गशाला निर्माणमा श्रमदान गरेको छ । श्रमदानको लागि जिल्ला प्रहरी कार्यालय चितवनका प्रहरी उपरीक्षक दानबहादुर मल्लको नेतृत्वमा त्यहाँ टोली पुगेको थियो । प्रहरी उपरीक्षक मल्लका अनुसार रङ्गशाला निर्माण सम्पन्न नभएसम्म श्रमदान जारी रहने छ । । प्रहरी टोलीले मुख्य कालोपत्रको ‘स्वेलिङ’का लागि ढुङ्गा भर्ने काम गरिरहेको छ ।
रङ्गशालामा बन्ने सबैभन्दा ठूलो रङ्गशाला र कालोपत्र रहने ठाउँको काम भइरहेको छ । कमलको फूलको आकृतिमा बन्ने रङ्गशालाको ‘स्वेलिङ’को काम सकिएर डिपिसीको काम भइरहेको धुर्मुस–सुन्तली फाउण्डेशनका अध्यक्ष सीताराम कट्टेलले जानकारी दिनुभयो ।
कट्टेलका अनुसार रङ्गशाला निर्माणका लागि सहयोग आउने क्रम जारी रहे पनि निर्माणमा खर्चको अधारमा पर्याप्त रकम सङ्कलन गर्न सकिएको छैन । दैनिक रु १० लाख खर्च लाग्ने गरी रङ्गशालाको काम अघि बढाइएको छ ।
विस्तृत परियोजना प्रतिवेदन (डिपिआर) निर्माणमा केही ढिलाइ भएको भए पनि अहिले रङ्गशालको काम तीव्र रूपमा अघि बढिरहेको छ । निर्माणकार्यले गति लिएपछि रङ्गशाला अवलोकन गर्नुका साथै आर्थिक सहयोग आउने क्रम बढेको अभियानकर्मी अर्जुन भुषाल बताउनुहुन्छ । रङ्गशालालाई श्रमदान, आर्थिक सहयोग, निर्माण सामग्री उपलब्ध गराएर सहयोग गर्न सकिने फाउण्डेशनले व्यवस्था मिलाएको छ ।
यो पनि पढ्नुहोस ।
बुवा र छोराको सम्बन्ध निर्माणमा ध्यान दिनु पर्ने कुराहरु
फि तिर्न नसक्दा कलेज छोड्नुपर्यो – एप्पल कम्पनी मालिकको कथा