समाचार
मकवानपुरमा ३९ जना कोरोनामुक्त – GoodNews24
मकवानपुरमा आइतबार ३९ जना कोरोनामुक्त भएका छन् । हेटौंडा–४ स्थित कर्रा र हेटौंडा–६ स्थित गौरीटार आइसोलेसनमा उपचाररत उनीहरुको २४ घण्टामा दुईपटक स्वाब परीक्षण गर्दा नेगेटिभ नतिजा आएको हो । हेटौंडा–१० स्थित किटजन्य रोग अनुसन्धान तथा तालिम केन्द्रमा गरिएको पीसीआर रिपोर्ट नेगेटिभ आएसँगै उनीहरु ३९ जनालाई आज बिहान डिस्चार्ज गरिएको हो । कोरोनाको फलोअप परीक्षणका क्रममा कोरोना नेगेटिभ देखिएको हो । कोरोना जितेसँगै उनीहरू आइसोलेसनबाट डिस्चार्ज भएको आइसोलेसन वार्ड इञ्चार्ज भोला चौलागाईंले बताएका छन्।
