गभर्नर अधिकारीले सिग्नेचर गरेको २० रुपैयाँ आजदेखि चल्तीमा आउँदै
Rupees 20 New Notes
काठमाडौँ। नेपाल राष्ट्र बैंकले आजबाट विक्रम संवत २०७९ लेखिएको २० रुपैयाँको नोट चल्तीमा ल्याएको छ । सार्वजनिक सूचना जारी गर्दै राष्ट्र बैंकले पहिलेको नै आकार र रंगमा संकेत नम्बर (८७ ठ ०००००१ देखि १८ त ९९९९९९)सम्मका नोट चल्तीमा ल्याउन लागेको जानकारी दिएको छ ।
नोटको अगाडीको भागमा बाँयातर्फ सरगमाथाको चित्र, दायाँतर्फ लालीगुरासको पानी छाप रहेको छ भने गभर्नरको दस्तखत रहने स्थानमा वहालवाला राष्ट्र बैंकका गभर्नर महाप्रसाद अधिकारीको हस्ताक्षर हुनेछ ।
।
नोटको तल्लो भागको बोर्डरमा नोेटको सिरिज नम्बर नेपालीमा ‘वि.सं. २०७९’ लेखिएको हुनेछ । नोटको पृष्ठ भागतर्फ मध्य भागको माथिल्लो खण्डमा अंग्रेजीमा ‘नेपाल राष्ट्र बैंक’, मध्य भागमा दुईवटा बाह्रसिंगाको चित्र, तलको भागमा अंग्रेजीमा ‘रुपिज ट्वेन्टी’ र तल्लो भागको बोर्डरमा नोटको सिरिज नम्बर अंग्रेजी संवतको ‘२०२३ ए.डी. लेखिएको हुनेछ ।
यस पटकको विजया दशमीमा सर्वसाधारणले राष्ट्र बैंकले हालसालै जारी गरेको २० का नयाँ नोट साट्न पाउने भएका छन् ।
